think twice

أرجوك , أعطى نفسك فرصه أنك تفكر مرة تانيه فى كل قناعاتك , ياترى اللى انت بتعمله صح ؟ ياترى اللى انت مؤمن بيه حقيقى ؟ ياترى ربنا مش حيعاقبك على اللى انت بتعمله ؟ ياترى انت فعلا بتتقى ربنا ؟ !

إبليس كان مقتنع انه أفضل من ادم , لان ربنا خلقه من نار وادم من طين , جاب منين القناعه إن النار افضل من الطين ؟ معرفش , بس عوقب على كدة بأنه أخرح من رحمه ربنا , قارون كان متأكد إنه اتغنى لانه شاطر وإن الغنى اللى كان فيه كان بسبب علم عندة , ماسألش نفسه مين اللى علمه العلم دة ؟ مين السبب فيه ؟ مسألش , فربنا خسف بيه الارض.
كل الكفار فى كل قصص القرأن كانوا مقتنعين ان دين وسنه اباءهم هو الصح واليقين , مفكروش فيه مره تانيه , ليه تعبد الاصنام ؟؟ محدش فكر !

اعطى نفسك الفرصه إنك تفكر مره واثنين وثلاثه فى كل حاجه بتعملها , وماتعملش حاجه إلا إذا كنت عارف لها سبب مقتع وتبرير كافى انك تقوله لربنا لماتقف امامه يوم القيامه , وبسألك على نعمه العقل لماذا لم تستخدمها ؟ لماذا اخترت ان تكون مثل الدواب ولا تستخدم عقلك الذى كرمك الله به ؟ فكر مرتين !

Comments

comments