582279_316196441824550_1949225806_n

بما إن الواحد ابتدا يخطط للسنة الجاية إن شاء الله،
قررنا بإذن المولى إنهاء تفسير القرآن.
اللي فاكر كتبت في مقال طويل في أفضل خطبة جمعة في حياتي:
http://www.ahmedabdelhamid.com/arblog/?p=1433

السنة دي، عرفت ان 2 من أصحابي الأندال تحت ال 25 و ختموا القرآن وما حدش فيهم قال لي، و امتحنوا حتى في تفسيره. بما إني جبت ال 30 ولسه ما خلصتش التفسير و نسيت اللي حفظته، بسبب اني ما خلصتش تفسير الفاتحة من سنة ما كتبت المقال، بسبب آية “اهدنا الصراط” قررت اتشجع و اخطي الآية و أكمل التفسير كاملا. خصوصا و إني بعدي ال 7 آلاف صفحة قراءة في العام، رشح صديق آخر تفسير الظلال لأنه -بحسبه- مناسب أكثر لشخصيتي من تفسير القرطبي. المهم، الاتنين موجودين، و يمكن أكتر.

فتكون المهمة: إنهاء قراءة تفسير القرآن كاملا و تدارسه بتدبر.
الكم المقترح: خمس أجزاء في العام. لمدة ستة أعوام.
تفسير الظلال 6 أجزاء، كل جزء: من 600 ل 800 صفحة، يعني تقريبا 50 صفحة في الشهر تكفي لإنهاء التفسير كاملا في 6 أعوام. يعني مذاكرة 3 أيام في الشهر تقريبا. بشكل مستدام.

بما إنه سفر، و انا بحب الصحبة، اللي جي معايا يتفضل!

تقدر تشتري نسخة من التفسير اللي انت تفضله من أي مكتبة قريبة من البيت، ولو محتاج نسخة الكترونية زيي، ممكن ابعته لحضرتك. أحب بس افكر سعادتك و نفسي، إن الرسالة نفسها وصلت الرسول وهو في الأربعين من عمره، مش مهم امتى تبتدي… المهم دايما انك تبتدي، و يمكن تثبت، ولو وقعت، ترجع تعيد تاني… بس ما تسلمش.

ها مين جي؟

Comments

comments