d

موضوع مهم جدا في رأيي:
معظم الأمهات و الآباء بيكونوا معظم الوقت فى الشغل و مضطرين يسيبوا الأطفال لوحدهم فى البيت…
السؤال: المفروض يعملوا ايه؟
أولا: ليست فكرة سديدة إن الأطفال أقل من 10 سنين يتسابوا لوحدهم فى البيت لأن الطفل غالبا في السن اقل من ده بيبقى حكمه على الأمور ضعيف و تصرفه مش مبني على منطق.
ثانيا: ايه الخطوات و الحاجات اللى الأهل المفروض يحذروا منها؟
1- لازم تتكلم مع ابنك عن الفكرة انك هتسيوبه لوحده..مش يبقي الموضوع امر واقع لأن الطفل هتكون عنده مخاوف المفروض يقولها وانت تطمنه من ناحيتها أو تعمله يتعامل معاها.
2- ممكن تعمل تجربة زي انك تسيبه لوحده نص ساعة ىو ساعة و انت في مكان قريب فلنفرض عند حد من الجيران او بتتمشى حوالين البيت و ترجع تسأله التجربة كانت ازاى وهو اتصرف ازاى؟
3- لازم قبل ما تسيب ابنك تتأكد إنك علمته ازاى يتعامل مع المشاكل اللى ممكن تحصل.

التعليمات:
جزء منها للأهل:
- تبعد كل الحاجات الخطيرة عن متناول الطفل..اعواد الثقاب، السكاكين، الأسلحة، الأدوية، السجائر، الكحوليات.
-تسيب تليفون محمول متسجلة عليه الأرقام اللى ارطفل المفروض يطلبها فى حالة الطوارىء و بطريقة سهلة لازم تعلمهاله.
- تسيب أكل ولو وجبة خفيفة أو عدد وجبات ب3در الوقت اللى هتغيبه و تعرف الطفل مكانها.
)اولا عشان الطفل ماينساش الاكل وثانيا عشان تعرفه انك حتى وانت مش موجود مش مهمله لكن مهتم بيه)..
- تكتب قائمة بالأصدقاء الل. الطفل ممكن يكلمهم اذا احتاج حاجة و انت مش موجود.
-تكتب قائمة بالحاجات الل. الطفل المفروض يعملها فى غيابك (المفروض يعمل الواجب مثلا و يرتب اوضته) على حسب ما تتفقوا ماتعودهوش على ان الوقت اللى مش موجود فيه انت هو وقت فاضى يعمل فيه كل ما هو ممنوع فى وجودك.
- تسيب بطارية او كشاف عشان لو فى حالة ان الكهرباء تقطع.
- يا ريت لو فيه فلترة لمحتوى الانرتنت تتأكد انه شغال.
-مهم جدا: في حالة تن الطفل ممكن يحتاج لدواء معين يفضل تسيب الجرعة من الدوا بس في متناوله مش الدوا كله..
تعليمات للطفل:
- تتفقوا على مواعيد يكلمك فيها..خاصة لو هو اصلا بيرجع على البيت وانتم لسة ماجتوش لازم يكلمكم اول ما يرجع.
- لازم يعرف ان فى غرف معينة ماينفعش يدخل يلعب فيها..زي المطبخ لانه خطر و اوضة اهله لانها خاصة
- يعرف ان وقت الطوارىء و تحدد له الطوارىء يتصل بالبوليس وبعدين بأهله او بأحد من القائمة اللى انت خاططها له.
- مايفتحش الباب لأى حد يخبط ولا حتى يبص يشوف مين.
- مايقولش بأى حد انه قاعد لوحده.
- ما يردش على التلفون إلا لو كان حد من الأهل.
– الطفل يكون عارف ممكن يعمل ايه فى حالات الطوارىء زي: لو اتعور جرح بسيط، لو حصلت حريقة صغيرة فى المطبخ مثلا او النار مسكت فى حاجة، لو الكهرباء فصلت.

*** مهم: في أهل بيفكروا ان نسيبهم وده هو اللى هيعلمهم…التفكير ده خاطىء جدا لأنك بتجازف بسلامة الطفل و فى الأغلب لو 4ى بلد محترم هتبقى بتنتهك القانون.
**مهم: الموضوع فيه مرونة يعني الشخص اللى عايش في بيت فى عيلته او جيران مقربين و آمن هيبقي عنده الموضوع أسهل من الشخص الغريب تماما فى منطقته.
**مهم: ماتستهونش بحاجة زي ان الطفل يكون بيخاف ده شىء مش هين ولازم تتعامل معاها

Comments

comments