علاج الكفتة 3

س: ايه رأيك في الأجهزة اللي الجيش اخترعها وبتعالج فيروسات كتير؟

ج: هجص. نقطة.

س: أنت ازاي بتقول كده! يا عميل يا اللي بتكره جيش بلدك.

ج: عارف “اللاصقة السحرية” اللي بتلزقها في كعب رجليك وبتسحب منك كل الأمراض؟ أهي دي أكثر علمية من أجهزة الجيش.

س: وأنت ايه اللي عرفك في الفيروسات؟ أنت مهندس فاتكلم في اللي أنت عارفه.

ج: على فكرة الموضوع فيه بلاوي هندسية مش مقتصر على الفيروسات بس.

س: ازاي؟

ج: أنا قرات طلب براءة الإختراع اللي قدموه واترفض بالتفصيل، وكان من ضمن الحاجات الظريفة اللي اتذكرت فيه أن الجهاز لا يحتوي على أي مصدر للطاقة، لكن بيشتغل سبحان الله بـ “طاقة الجسد”. ايه هي طاقة الجسد؟ وبتطلع منين بالضبط؟ وهل هي طاقة جسد المريض ولا الدكتور؟ الله أعلم. تخيل أني درست موضوع الطاقة ده لمدة 5 سنين ومفيش حاجة زي كده عدت عليا، ولا هتعدي.. إلا لو كان قصدة أن الجهاز بيشتغل بالطاقة الروحية زي اللي في فيلم فول الصين العظيم.

س: دي أسرار عسكرية، أنت أيه اللي هيفهمك في الحاجات دي.

ج:

س: على العموم متغيرش الموضوع، احنا كنا بنتكلم في الفيروسات، عندك دليل على كلامك ؟

ج: ايه رأيك لو نسمع رأي باحث في الفيروسات بيشتغل في MIT (الجامعة الأولى في العالم) ونشوف رأيه ايه؟ هو سجل جزئين بيرد فيهم علميًا على كل الحاجات المثارة في الموضوع، وبالعربي، وكمان الكلام لغير المتخصص فأنت هتفهمه.

الجزء الأول:

علامات إستفهام علمية 1

الجزء الثاني:

علامات إستفهام علمية 2

مبروك، كان عندك جهل.. وراح!

Comments

comments