سافروا
أول مرة سافرت اسطنبول كان في ديسمبر 2011، وقتها رجعت مصر أحكي حكايات عن الروعة والمناظر الخلابة في المدينة الجميلة. كنت منبهر فعلا وكانت أول مرة أشوف بلد غير مصر والخليج.
استمرت زياراتي للمدينة طوال 3 سنوات في الصيف والشتاء، بس مع كل زيارة كان الانبهار بيقل بسبب التعود.
حتى سافرت أوروبا الصيف ده، وشفت شكل مختلف تماما للدنيا. والنهاردة وأنا في اسطنبول بقيت حاسس إنها مدينة “معفنة” ومش نضيفة ولا منظمة، وعندها مشاكل الدنيا والآخرة.اللي تفهمه من القصة دي إيه؟! إن المصريين عايشين فس صفيحة زبالة بالمعنى الحرفي للكلمة، عيشة تخليهم لما يروحوا الخليج ويشوفوا شوية نظام يلعنوا الحياة اللي كانوا عايشينها، ولما يسافروا مدينة أجمل شوية من الخليج واسوأ شوية من أوروبا ينبهروا.وبعدين الناس تسأل: هم المصريين اللي بيسافروا مبيرجعوش ليه؟ لإنهم ببساطة اكتشفوا إن أكبر كدبة في حياتهم هي لما علموهم وهم صغيرين إن مصر أم الدنيا

 

بقيت دلوقتي لما باشوف شاب مصري عايش في أوروبا ولا أمريكا عيشة محترمة ويقرر رغم كل ده إنه يبذل شوية جهد – سافروا 3ولو حتى تنظيري – بنية صادقة عشان يخدم مصر، وتلاقي الناس تتهمه وتخونه وتعايره إن مش عايش وسطهم، بقيت باحس إن فيه شيء مش منطقي … الشاب عايش برة أحسن عيشة وبيتعامل أحسن معاملة بينما بلده مصر سرقت فلوسه وقتلت صحابه بالرصاص أو بالاهمال، وعاملته بحيوانية وقلة قيمة، ورغم كل ده قرر إنه يتعب نفسه ويقطع من وقته ويحاول يساعد على قدر علمه. مع إنك لو مكانه ممكن تنفض تماما ومحدش له عندك أي حاجة وياكش تولعوا كلكوا في بعض، بس هو بيحاول يساعد وبيكون جزاؤه الشتيمة والتخوين !

سافروا 2

Comments

comments