10714092_10152727477137171_8446984186723590940_o اجتماع اولياء الامور بيكون مرة واحدة فقط في بداية السنة الدراسية ( معاك لحد شهر بعد بداية المدارس علشان يتعمل)
ليه مرة واحدة ؟ لإنه مش محتاج أكتر من كدة
في الاجتماع ده بيقولك الخط العامة اللي المدرس ، أو الحضانة هتشتغل عليها..
المنهج و تقسيمته و ايه الحاجات اللي هيدرسوها السنة ده ..
ازاي هيحصل التعاون بين المدرسة أو الحضانة و الآباء ..
القوانين الخاصة بالمدرسة ، و اذا فيه قوانين جديدة أقرت ..
الرحلات و خطتها ..
الامتحانات و عددها و كيفية حساب النقاط بتاع كل امتحان ..
بتقعد مكان ابنك في الفصل، بتعرف هو قاعد فين، بتعرف شكل الفصل بتاعه، و بتتعرف على اولياء أمور باقي زمايله …
باختصار بيديك ملخص لكل اللي هيحصل في العام الدراسي بالكامل .
في السنوات الماضية كان الاجتماع بيكون عبارة عن ان المدرس بيعرض سلايز و انت بتكتب ملاحظاتك لو حابب انك تكتب ..
السنة ده لقينا المدرّسة محضرة 5 ورقات مكتوبة و متصورة على عدد الآباء، بحيث كل ولي أمر هياخد نسخة فيها كل المعلومات اللي هي هتقولها في الإجتماع ..
التطور هنا بيكون ملحوظ جدا ، فكرة جديدة، اتناقشت و اتوافق عليها ، مفيش أي مشكلة إني أبدأ أنفذها السنة الجاية مباشرة، و لو أمكن أنفذها على طول بانفذ ..
في المدارس العليا( ما بعد المرحلة الابتدائية ) بتنقسم الاجتماعات ده لقسمين ، قسم بيجمع اولياء أمور الفصول كلهم ، و قسم بيكون في الفصل .
السنة ده زوجي بيقولي في الاجتماع العام كانوا جايبين اثنين يترجموا الاجتماع كله للغة الإشارة ، بيبدلوا ما بينهم بحيث إن الاجتماع كله يترجم في النهاية .

 

 

Comments

comments