الانقلاب خير

ازاي كنت ح تعرف ان من حق الثورة تعتقل 20-30-40 ألف واحد مرة واحدة و تخليهم في السجن ولو سنة أو أكتر من غير محاكمة… إلا لو شوفت ده
بعينك بعد 30 يونيو؟

ازاي كنت ح تعرف ان من حق الثورة تقتل كام ألف واحد بشكل مباشر لأنهم مخربين و إرهابيين و أعداء للثورة المجيدة… لو ما شوفتش ده بعينك بعد 30 يونيو؟

ازاي كنت ح تعرف ان من حق الثورة غلق قنوات تلفزيون و اعتقال مذيعين بضيوفهم… لو ما شوفتش ده بعينك؟

ازاي كنت ح تعرف ان حق الثورة تغير كل المناصب السيادية في الدولة، و كل رؤساء الشركات، و تلغي كل الجهات الرقابية المدنية، و تحل أي مجلس كان موجود قبل الثورة، و تعطل اي دستور و بشكل مباشر و في ثانية واحدة و خطاب واحد… و تعتقل اي حد شارك في اي شكل من اشكال السلطة المدنية… إلا لو شوفت ده بنفسك بعد 30 يونيو؟

ازاي كنت ح تقنع الناس… إن التحفظ على اموال الناس، و اخذ ممتلكاتهم كلها بشكل غير قانوني ولكن ثوري… ده حق كامل من حقوق الثورة… إلا لو شوفت ده بعد 30 يونيو بنفسك؟

ازاي كنت ح تقعد تشرح للناس ان الجيش مالوش يحكم، و ان اللمبة الموفرة ما تحلش الكهربا، و ان بتوع الجيش كلهم كفتة… و إن أي تدخل ليهم ح يخرب الدنيا اكتر و يقتل ناس اكتر و ياخد من حرياتهم…. إن الانقلاب العسكري أكبر شر ممكن يحصل لأي دولة… إلا بعد 30 يونيو؟

كان ممكن تقعد تكتب للناس ثورة الصين الثقافية عطلت الجامعة كام سنة، و عملت محاكم ثورية ازاي، و حرس ثوري ازاي، و تحكي عن ثورة إيران، و ثورة روسيا وقفت الدنيا كام سنة، و العمال الفرنساويين عملوا ايه عشان ياخدوا حقوقهم…. ممكن تكتب و تعيد و تزيد… و تكتب تنظير عشان تشرح للناس… بس أهم حاجة في الآخر التجربة العملية!

حاليا في موجة اعلامية بتعطيل الجامعة (الأزهر) سنتين تلاتة… كل ما اشوف خبر من دول، بقول كله خير! خلي الناس تتعلم…. كان في مثل وحش بيقول، تفضل الناس تنصحك و تديك خبرتها في الزمن… و تعرفك “الخوازيق” اللي في الدنيا… بس انت لازم تعدي عليهم بنفسك… عشان تعرف ان كان عندهم حق… بعدها بتتغير!

الانقلاب خير… على الأقل في كام ألف ح يتم اعتقالهم، و كام الف ح يتقتلوا بمحاكمات ثورية شعبية بشكل مباشر وقت الثورة اللي بجد، و في ألف واحد ح ياخدوا حكم بالإعدام…. بس شوفولنا شيخ زي جمعة، يقول المصري اللي بيدرب اخوه الليبي الانقلابي عشان يقتل اخوه المسلم في ليبيا…. خارج عن الملة و طوبى لمن قتلهم ولا نبعت ولادنا كلهم يموتوا في ليبيا و العراق بالنيابة عن الأمريكان. بجملة العمالة و الـــ #.

الانقلاب أجمل حاجة حصلت في تاريخ مصر الحديث… بتدي مثل عملي للثورة.
ازاي تعمل ثورة؟!

Comments

comments