- تشي جيفارا؟!
= أفندم؟!
- أنا عاوز أثبت لك بالمنطق والدليل إن كل أفكارك وأفعالك غلط
= اتفضل اثبت
- ها اقتنعت؟!
= بص … كلامك مقنع فعلاً … عندك حق … بس لو انا صدقتك عارف هيحصل إيه ولا مش عارف؟!
- إيه؟!
= هاخسر مكانتي السياسية والاجتماعية والتاريخية، وهاهيم على وجهي في الحياة بلا هدف غير الندم، وكل أتباعي حيضيعوا لإن معندهمش أفكار غير أفكاري،والارض هتنسحب من تحتهم وهيقعوا في الفراغ مش عارفين يتحركوا إزاي … متخيل حجم المأساة؟
- أيوة متخيل … بس أفكارك غلط؟
= شوف .. أنا مضطر أقول لك إن أفكاري مش غلط وإنك سافل ومنحط وعميل للأمريكان ولابد من القضاء عليك والتخلص من أفكارك الهدامة … أنا لازم أقول لك كدة عشان نفسي وعشان مصلحة الجماهير

واجب عملي:
قم بإجراء المحادثة السابقة مع كل من:
- محمد بديع
- محمد البرادعي
- محمد حسان
- السيسي
- إلهام شاهين

—-

تعقيب الساعة 6:17 صباحا بتوقيت الدوحة، عشان يبدو من التعليقات إن الناس مش فاهمة المقصد:

أنا مش بساوي بين الناس ولا بانتقد أفكارهم … أنا باقول إن كل إيماننا بفكرة معينة ممكن يخلينا منسبهاش عشان احنا بنكسب كتير من وراها … حتى لو واجهنا صعوبات وخساير … فيه برضة مكاسب بتخلينا ممكن لما نشوف الحقيقة نعمل نفسنا مش شايفين. اسأل نفسك، لو اكتشفت ان كل افكارك غلط فجأة … هتخسر إيه؟ … هتلاقي نفسك بتخسر كتير لدرجة ممكن تخليك تدافع عن وجودك وبقاءك برفض الاعتراف بالخطأ

Comments

comments